Psalms
Hebrew: Modern  
Psalms 130 [Commentary] Biblical Art and Illustrations
שיר המעלות ממעמקים קראתיך יהוה׃ .1
אדני שמעה בקולי תהיינה אזניך קשבות לקול תחנוני׃ .2
אם עונות תשמר יה אדני מי יעמד׃ .3
כי עמך הסליחה למען תורא׃ .4
קויתי יהוה קותה נפשי ולדברו הוחלתי׃ .5
נפשי לאדני משמרים לבקר שמרים לבקר׃ .6
יחל ישראל אל יהוה כי עם יהוה החסד והרבה עמו פדות׃ .7
והוא יפדה את ישראל מכל עונתיו׃ .8
Psalms 131 [Commentary] Biblical Art and Illustrations
שיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃ .1
אם לא שויתי ודוממתי נפשי כגמל עלי אמו כגמל עלי נפשי׃ .2
יחל ישראל אל יהוה מעתה ועד עולם׃ .3
Psalms 132 [Commentary] [Map] Biblical Art and Illustrations
שיר המעלות זכור יהוה לדוד את כל ענותו׃ .1
אשר נשבע ליהוה נדר לאביר יעקב׃ .2
אם אבא באהל ביתי אם אעלה על ערש יצועי׃ .3
אם אתן שנת לעיני לעפעפי תנומה׃ .4
עד אמצא מקום ליהוה משכנות לאביר יעקב׃ .5
הנה שמענוה באפרתה מצאנוה בשדי יער׃ .6
נבואה למשכנותיו נשתחוה להדם רגליו׃ .7
קומה יהוה למנוחתך אתה וארון עזך׃ .8
כהניך ילבשו צדק וחסידיך ירננו׃ .9
בעבור דוד עבדך אל תשב פני משיחך׃ .10
נשבע יהוה לדוד אמת לא ישוב ממנה מפרי בטנך אשית לכסא לך׃ .11
אם ישמרו בניך בריתי ועדתי זו אלמדם גם בניהם עדי עד ישבו לכסא לך׃ .12
כי בחר יהוה בציון אוה למושב לו׃ .13
זאת מנוחתי עדי עד פה אשב כי אותיה׃ .14
צידה ברך אברך אביוניה אשביע לחם׃ .15
וכהניה אלביש ישע וחסידיה רנן ירננו׃ .16
שם אצמיח קרן לדוד ערכתי נר למשיחי׃ .17
אויביו אלביש בשת ועליו יציץ נזרו׃ .18

Imported from the CrossWire Bible Society's "The Sword Project" Bible Modules.

 


This Website is Copyright © 2005-2006 Biola University.
Biola does not hold the Copyright to any Biblical texts on this site.
Some Biblical texts on this site are in the Public Domain,
and others are Copyrighted by their Copyright holders.